هل الإقامة في الإمارات تزيد فرص العمل مقارنة بزيارة قصيرة؟

هذا الموضوع فارغ.

مشاهدة 5 مشاركات - 1 إلى 5 (من مجموع 5)

الكاتب

المشاركات
22 يناير,2025 الساعة 7:18 ص #113291 الردّ
زياد
هل اللي معه إقامة في الإمارات ممكن فرصته في الشغل تبقي أفضل عن الزيارة ولا فرص الشغل قليلة هناك في الحالتين؟ أنا ٢٧ سنة، خريج تجارة، قسم محاسبة واشتغلت سيلز عقارات وكاشير وموظف استقبال واللغة الإنجليزية معي جيدة جداً.. أنا شايف كلام سلبي كتير إن مفيش شغل.
22 يناير,2025 الساعة 7:19 ص #113292 الردّ
Mera
معك لغة
معك cv محترم
معك فلوس تكفيك لأنك ممكن تشتغل من أول يوم وممكن تقعد ٦ شهور..
معاك تعالى وتوكل على الله
أما مفيش لغة وضعيف و cv تعبان بلاش نصيحة والله
22 يناير,2025 الساعة 7:19 ص #113293 الردّ
Mohamed
طول ما أنت معاك انجليزي كويس فرصك فى الشغل اكتر
22 يناير,2025 الساعة 7:20 ص #113294 الردّ
El-Nagary
طالما اللغة تمام، بأذن الله خير. وخلي عندك يقين ان كلها ارزاق، ممكن تشتغل بسرعة وممكن تطولي شوية
22 يناير,2025 الساعة 7:21 ص #113295 الردّ
Mohab
الشغل كتير، لكن كل الشغل محتاج خبرة وخبرة داخل الدولة.

أو إنك تكون جديد في الدولة لكن تقيل في خبراتك.

يعني إنت محاسب محتاج يكون معاك CMA أو CPA ويفضل كمان IFRS

و كمان برامج ERP لازم تكون كويس فيها

و بروفيشنال في الEXCEL

و اللغة مفيش كلام لازم تكون ممتازة ومش الإنجليزي بتاعنا بتاع مدارس الحكومة لا لا لا

هنا هتدخل مقابلة مع HR هندي بيرطن إنجليزي أنيل من الأمريكانى شويتين ولازم تفهمه وترد عليه كويس

و بعد كل ده بيكون المرتب في البداية مش كويس

بس لو قدرت تجمع الخبرات السابقة وتلتزم في شغل هنا سنتين تلاتة

إن شاء الله هتختلف معاك الأمور جدا خاصة لو فضلت تطور من نفسك وتاخد مثلا CMA PART 2 وتدخل معاها MPA إن شاء الله هتختلف الأمور

هنا في شركات عالمية وشغل مختلف عن مصر تماما

الدخول صعب جدا عشان إحنا خبراتنا سيئة جدا
الكاتب

المشاركات

مشاهدة 5 مشاركات - 1 إلى 5 (من مجموع 5)