هل أسافر للإمارات للبحث عن عمل رغم قلة الخبرة أم أبقى بعملي؟

نصيحة، خليك فى بلدك افضل، صدقنى الموضوع هنا صعب جدا جدا، ولازم إقامة ورخصة وخبرة ودى حاجات محتاجة مصاريف مهولة، نصيحة: لو محوش قرشين كويسين جدا جدا وممكن تيجى تتحمل ال risk طبعا تعالى واللى بيرزق هنا هيرزقك هناك، ولكن لو فلوسك ماشية على الاد، صدقنى الموضوع هيبقى محبط جدا، دى نصيحة والقرار لحضرتك

بص شغلة ال5500 و12 ساعه شغلانه عيانه تقدر تلاقيها في مصر في اي وقت أنت كده كده الدنيا معاك خربانه فمش فارقه اديها واحده no risk no fun وخليها علي الله انا مش شايف ان في وضع اوسخ مم الي انت فيه بس لو هتستلف علشان تسافر بلاش علشان لما هترجع مش هتبقي مجرد شخص من غير شغل لا هتبقي من غير شغل ومديون بس لو معاك قرشين سايبهم علي جمب تعالي اهي محاوله وشكل من اشكال السعي ويمكن تضرب معاك وتشتغل اكيد مش كل الي سافرو كان معاهم انجلش جامد او صنعه عادي يعني في إحتمال انك تلاقي شغل هيبقي بظروف صعبة اكيد لان مؤهلاتك مش هتجيب وظيفة جامده يعني وشغلك في مصر كده كده ظروفه صعبه فعلي العادي بقي

المنافسة في الإمارات شرسة جداً وأنت كده ح تنافس مع الجالية الآسيوية بأعدادها الكبيرة وستكون أقوى منك من ناحية:
* رواتب أقل
* ساعات عمل أكثر
* اللغة
* تحمل ضغوطات العمل

ربنا يسعدك. فكر مرة أخرى. تحياتي!