هل أترك وظيفتي في عمان براتب 600 دينار لوظيفة بالإمارات بـ3000 درهم؟

٦٠٠ اردني احسن من ٣٠٠٠ درهم بكتير. ال٣٠٠٠ درهم بكفوش اشي هون وبعملوش اشي يا دوب فواتير واكل وشرب الك لحالك.. الا اذا متنازل عن شغل الاردن وتيجي تجرب بنفسك وما عندك اشي تخسره بس لاااا تستحق المغامرة ابدا

حسب شو تخصصك وشو هدفك من السفر. انا تركت شغلي بالاردن براتب ٧٥٠ وسافرت مرتين على دبي بهدف اني ادور على شغل كمان مش انه اجاني شغل. وحاليا شغال براتب الفين دينار وشغلي اونلاين كل فترة بسافر اسبوع لاسبوعين وبرجع.

بس بحالتي عزابي لا وراي ولا قدامي قلت بطلع على مكان فيه فرص وجودة حياة اعلى وتخصصي اله مستقبل فيها احسن من هون. بالنهاية حسب حالتك وهدفك وتخصصك وكيف راح يكون وضعك بعد كم سنة هناك مقارنة بوضعك هون.

بس بدي الفت انتباهك حسب اللي شفته بدبي اي حدا بيجي جديد بالنسبة اله العرض اللي بتحكي فيه حلم.

والله لو باخد ٤٠٠ دينار بالاردن مابطلع برا الاردن ابدا
هاد العرض جدا سيء ولاتفكر اتغامر على اقل من 8000 الاف درهم اقل اشي
طبعا هاد للعزابي
لانو الي متزوج بدو الضعف..

اذا بتنظر لهالوظيفة كفرصة انك تيجي الامارات وتجرب تبحث عن فرصة احسن او تبدا مشروع ف ليش لاء، خاصه اذا ما عندك التزامات.

بس لو جاي مخصوص للوظيفة ف وظيفة الاردن احسن بكتير.

حسب انت شو هدفك وكيف شغلك بالاردن وكم بضللك منه بعد المواصلات ضمن دراستك او لا في مجال تتطور ولا لا.. احيانا الشغل ببدأ قليل لكن بتكون اخدت خبرة بالبلد وخصوصا اذا في مجال دراستك و وبتصير تدور ع فرص افضل وانت هون في حال انك غير متزوج وما عندك التزامات ولسة شب حابب تشوف الدنيا و تفتح امامك آفاق جرب الدنيا تجارب