ما سبب هجوم القطة المفاجئ وكيف يمكن التعامل مع هذا السلوك؟

تلات قطط عندي كلهن خويفين رغم جبتهن صغار وكل واحد طبع عالعموم مابيقربو عحدا وبيتخبو ،بس واحد مابيخرمش ولا بيعض والتانية كانت تعض لعب عيطتت عليها كذا مرة فهمت وبطلت بس لما تنط بتغرز اظافرها بدون قصد والتالت كل خرمشتو عالوجه وبتحرق حرق ،اللي تبينلي انو طبع كل قط طبع مهما جبتيه صغي او كبير مادخل

احبسيها بالحمام كم يوم خليها تهدا وفوتي اقعدي شوي معها حطي اكل بكميات قليله

اختي العزيزه.. عشان لا تضيعي وقتك.. اول شي اعمليلها اختبار الفيروسات لتطمني ان المشكله مش مرضيه.. واذا طلعت نضيفه.. اتركيها بالبيت ولا تقربوا عليها بس حطيلها اكل وشرب واعطيها وقتها.. القطط بطبيعتها بتحب الحنان وهي اللي بتصير تتقرب من صاحبها لوحدها.. بس عطوها وقت واكتفي انك تمسحي على رأسها مسحه وحده.. وناديها باسمها وقت تحطيلها الاكل وكلميها عادي. اهم شي عطيها وقت.

في عدة أسباب الخوف الشديد و اذا خايفه و عاقبتها أو حسستها انك بتعاقبها بتزيد الطين بله، الشيء التاني شخصية القطه نفسها مو اجتماعية يعني ما اتربت مع قطط تانيه بالتالي أي وجود غريب بخليها عنيفه، السبب الأخير بتكون مريضه و هاي تعبيرهم عن المرض … كيف بيتم التعامل معهم ما تتعامل معها بطريقه physical ابدا او بصراخ.. فيه طريقتين مجربين اذا شفتها بتهاجم حدا سقف بصوت عالي أو جيبي water spray و رشي عليها من بعيد بس تهدأ جيبي treat و طعميها و مسحي على راسها و هديها و ما تخلي حدا من الصغار يقرب عليها لانه الصغار أحيانا بيزيدوا عصبية البسس لجهلهم في التعامل معها بالشكل السليم بيضلوا يشيلوها أو يدايقوها بحكم انه بيلعبوا و هي ما بدها تلعب بتعتبره اعتداء على خصوصيتها.. وقت تشوفوها هاديه و قاعده بمحل و نايمه حاولوا تخلوها بحالها لانه القطط ما بتحب حدا يفيقها أبدا.