لماذا قطتي توسّخ أرجلها الخلفية بعد استخدام الليتر بوكس؟

مساء الخير جميعا… عندي مشكلة مع قطتي، داخلة بالشهر الخامس وصحتها ممتازة ومطعمة وماخذة دوا الدود. تشييكات دورية مع البيطري وشهيتها ونفسيتها ممتازة. صارلها لكم يوم كل ما استعملت اللتر بوكس، بتوسخ ارجلها الخلفية ببرازها!! لاحظت انه اولا صايرة تعملها عند حواف اللتر بوكس!!! مع انه منظف دائما (كل ساعتين بنظافه والليتر نوعه ممتاز وماشيين عليه من اشهر)، بعدين بلاقيها مواجهة صعوبة انها تطمر البراز باللتر وهي بتحاول بتروح دايسة عليه….و من بعدها بتبدا ترفص برجلها الوسخة جدران اللتر للتخلص من البراز العالق وللاسف بضل عالق برجلها ولا حتى بتحاول تنظفه بتترك الليتر وبتوسخلي الدنيا. الوضع صار متعب وكل شوي مغسللها رجليها لحد قبل ساعة. علما عندي ذكر عمره ١٠ اشهر (معقم) وبحبها كتير، وكل واحد اله ليتر خاص فيه، رجعت فاتت وهالمرة نفس شي وسخت رجليها الخلفية التنتين وريحتها سيئة، اضطريت احممها. اللي مر بهيك تجربه يفيدنا اخواني واخواتي وشكرا